వృధాశ్రమం లో దీపావళి వేడుకలు జరుపుకున్న రాజన్న సిరిసిల్ల జిల్లా కలెక్టర్ సందీప్ కుమార్ షూ.

NBN న్యూస్ నవెంబర్  01: బ్యూరో చీఫ్ Pasha syed, investigetive journalist.   రాజన్న సిరిసిల్ల జిల్లా కలెక్టర్ సందీప్ కుమార్ షూ  దీపావళి వేడుకలను ప్రత్యేకంగా జరిపారు. వారి సందర్శన మందేపల్లి లోని ప్రభుత్వ వృద్ధాశ్రమం నివాసితుల హృదయాలను తాకింది. కలెక్టర్ సందీప్ కుమార్ షూ, తన ఉదారతను చాటుతూ వృద్ధాశ్రమంలో దీపాలను వెలిగించి,  వృద్ధులతో కలిసి పండుగ ఆనందాన్ని పంచుకున్నారు. అనంతరం స్వీట్స్ పంపిణి చేసారు. ఈ సందర్బంగా కలెక్టర్ వారి ఆనందం కోసం స్వయంగా వారికి చొరవ చూపి పలు కార్యక్రమాలు నిర్వహించారు. వృద్ధులు తనతో సమయం గడపడాన్ని ఆనందంగా స్వీకరించి, గత జ్ఞాపకాలను పంచుకుంటూ సంతోషించారు. దీపావళి సందేశం మాత్రమే కాదు, వృద్ధాశ్రమం నివాసితుల ఒంటరితనాన్ని తగ్గించేందుకు, వారితో బంధం పెంచుకునే ఒక పంథానుగా ఆయన దీపావళి వేడుకలను నిర్వహించారు. ఈ సందర్భంగా కలెక్టర్ మాట్లాడుతూ, వృద్ధులు సంతోషంగా ఉంటే సమాజానికి ఒక స్ఫూర్తిగా నిలుస్తారని, వారికి ఆత్మీయతను అందించడం ప్రతి ఒక్కరి బాధ్యత అని అన్నారు. వారి ఆత్మీయత కలెక్టర్ సందీప్ కుమార్ షూ జీవితంలో మంచి గుర్తుగా నిలుస్తుందని అక్కడి వారు ఆశాభావంతో అభినందించారు. ఆనందం పంచిన కలెక్టర్ సందీప్ కుమార్ షూ అనంతరం క్యాంప్ కార్యాలయం లో సిబ్బందితో టపాకాయలు కాల్చి శుభాకాంక్షలు తెలియజేసారు.